കുട്ടികളെ ശ്രദ്ധിക്കുക

അപകടങ്ങൾക്കുള്ള സാഹചര്യം ഒഴിവാക്കുകയാണ് ആദ്യം വേണ്ടത്. അതായത് അപകരമല്ലെന്ന് ഉറപ്പുള്ള സ്ഥലങ്ങളിൽ മാത്രം കുട്ടികളെ കളിക്കാൻ അനുവദിക്കുക

- 

കണ്ണിൽ കാണുന്നതെല്ലാം കാഴ്ചയുടെ കൗതുകങ്ങളാണ് കൊച്ചു കുഞ്ഞുങ്ങൾക്ക്, കണ്ണൊന്നു പിഴച്ചാൽ കൗതുകങ്ങൾക്ക് മറവിലെ അപകടങ്ങളിലേക്ക് അവർ നടന്നടുത്തേക്കാം. വീട്ടിലായാലും പുറത്തായാലും കൊച്ചു കുട്ടികൾക്കു ചുറ്റും പതിയിരിക്കുന്ന അപകടങ്ങൾ നിരവധിയാണ്. കൈയിൽ കിട്ടുന്നതെന്തും തൊട്ടറിയാനും രുചിച്ചറിയാനും വെമ്പൽ കൊള്ളുന്നതാണ് കുഞ്ഞുമനസ്. അതിനാൽ കുട്ടികളുടെ കാര്യത്തിൽ മാതാപിതാക്കളുടെ പ്രത്യേക ശ്രദ്ധ ആവശ്യമാണ്.

സാഹചര്യങ്ങൾ ഒഴിവാക്കുക

അപകടങ്ങൾക്കുള്ള സാഹചര്യം ഒഴിവാക്കുകയാണ് ആദ്യം വേണ്ടത്. അതായത് അപകരമല്ലെന്ന് ഉറപ്പുള്ള സ്ഥലങ്ങളിൽ മാത്രം കുട്ടികളെ കളിക്കാൻ അനുവദിക്കുക. അവിടെയും അപകടകരമായ യാതൊരു സാഹചര്യവും ഇല്ലെന്ന് ഉറപ്പുവരുത്തണം. എങ്കിലും കൊച്ചു കുട്ടികൾ കുട്ടികൾ കളിക്കുമ്പോൾ മുതിർന്ന ഒരാളുടെ മേൽനോട്ടം ഉണ്ടാകണം. കാരണം പതിയിരിക്കുന്ന അപകടങ്ങൾ ഒറ്റനോട്ടത്തിൽ കണ്ടത്താൻ കഴിഞ്ഞെന്നു വരില്ല.