காபி குடிக்கலாமா?

காலையில் எழுந்தவுடன் சூடான காபி அல்லது தேநீர் இல்லாமல் பலருக்கும் பொழுதே விடியாது.

- எஸ்.ரவீந்திரன்

அதில் ஏராளமானோர் காபி பிரியர்கள். காலை மட்டுமின்றி ஒரு நாளைக்கு மூன்று முதல் ஐந்து கோப்பை காபி குடிப்பவர்களும் இருக்கின்றனர். ஒரு சிலர் காபி குடித்தே உயிர் வாழ்கின்றனர்.

காபி குடிப்பது உடலுக்கு நல்லதா கெட்டதா என்ற விவாதங்கள் நடந்து கொண்டிருக்கையில், தினமும் காபி குடிப்பது உடல் மற்றும் மன ஆரோக்கியத்துக்கு பல்வேறு நன்மைகளை வழங்குகிறது.

சோர்வாக இருக்கும் போது, ஒரே ஒரு கப் காபி போதும். இன்ஸ்டன்ட் எனர்ஜியை காபி வழங்கும். காபியில் அடினோசின் என்ற ஒரு நியூரோடிரான்ஸ்மிட்டர் உள்ளது. இது நரம்புகளை ஊக்கப்படுத்தி, சோர்வை நீக்கி உங்கள் ஆற்றலை அதிகரிக்கிறது. காபி குடிப்பது எவ்வாறு உடலுக்கு ஆற்றலை அளிக்கிறதோ, அதே போல மனதை தெளிவாக வைக்க உதவுகிறது.

காபி உடலில் உள்ள வளர்சிதை மாற்றத்தை அதிகரிக்க உதவுகிறது. இதனால் உடல் எடை குறையும் மற்றும் கட்டுக்குள் இருக்கும். அது மட்டுமின்றி, தினசரி அதிக அளவில் காபி குடிப்பது உடலில் கொழுப்பை தங்க விடாமல் பார்த்துக்கொள்ளும் என்று ஆய்வுகள் தெரிவிக்கின்றன.

அதில் உள்ள காஃபின் மற்றும் ஆன்டி ஆக்சிடன்ட்டுகள் ஆகியவை மன அழுத்தம் மற்றும் மனச் சோர்வை நீக்குகிறது. அது மட்டுமின்றி, காபி குடி த்தவுடன் உடல் ரீதியான சுறுசுறுப்பை பெறுவதால், சோர்ந்து போன மனதுக்கு தெம்பு அளித்து, உற்சாகமாக மாற்றுகிறது.

இப்படி சாதக அம்சங்கள் சொல்லப்பட்டு வந்த நிலையில், புதிய ஆய்வு ஒன்று கவலை தருவதாக உள்ளது.