ரோஸ் கொடுக்கிற வேலை போரடிச்சுடுச்சு!

கோலிவுட் முதல் பாலிவுட் வரை பல மொழிப் படங்களில்  நடித்துள்ள நடிகர் சித்தார்த், அண்மைக் காலமாக தமிழ் படங்களில் கவனம் செலுத்தி வருகிறார்.

- தவா

சிவப்பு மஞ்சள் பச்சை, அருவம், மகா சமுத்திரம் படங்களைத் தொடர்ந்து நீண்ட இடைவெளிக்குப் பிறகு ‘டக்கர்' என்ற படத்தில் ஆக்க்ஷன் ஹீரோவாக புது அவதாரம் எடுத்திருக்கிறார். ஷங்கர் இயக்கம் இந்தியன் 2 படத்திலும் சித்தார்த் கமிட் ஆகியுள்ளார். அவருடன் அழகிய உரையாடல்.

வாழ்க்கையில் உங்க குறிக்கோள் என்னவாக இருக்கு?

சின்ன வயசில் இருந்தே என்னோட அம்மா, நான் உலகம் பூரா சுத்தி வரணும், எல்லா மொழி பாடல்களும் கேட்கணும், இந்த உலகத்தோட அழகை ரசிக்கணும்'னு நிறைய சொல்லிக் கொடுத்து வளர்த்தாங்க. பணம் சம்பாதிக்குறது மட்டுமே வாழ்க்கையோட குறிக்கோளா இருக்கக் கூடாதுன்னு அவங்க தெளிவா சொன்னாங்க.