தொடரும் படகு விபத்து... கேரளத்தை உலுக்கும் சோகம்!

சுற்றுலா செல்லும் பலரும் தங்களின் முதல் விருப்பமாக தேர்வு செய்வது படகு சவாரி எனலாம். அந்த வகையில் இந்தியா மட்டுமல்லாமல் உலகம் முழுவதுமே பல்வேறு நீர்நிலைகளில் சொகுசான படகு சவாரி செய்யப்பட்டு வருவதை காணமுடிகிறது.

- எஸ். ரவீந்திரன்

இப்படி மகிழ்ச்காக செல்லும் சவாரி சில நேரம் விபத்தின் மூலம் சோகமாக மாறி விடுவதும் அவ்வப்போது நடத்துதான் வருகிறது.

சமீபத்தில் கேரளா மாநிலம் மலப்புரத்தை அடுத்த தானூர் அருகே ஓட்டும்புரத்தில் தூவல் தீர்த்தம் ஆற்றில் 40 பேருடன் சென்ற படகு திடீரென தலைக்குப்புற கவிழ்ந்த விபத்தில் 22 பேர் பலியாகிவிட்டனர்.

படகு உரிமையாளர் மீன்பிடி படகை சுற்றுலா சேவைக்காக மாற்றியதாக குற்றச்சாட்டு எழுந்துள்ளது. சுற்றுலா படகுகளுக்கு வழங்கப்படும் தகுதி  சான்றிதழ் இல்லாமல் படகு இயக்கப்பட்டதையும் அதிகாரிகள் உறுதி செய்துள்ளனர்.