അന്യന്റെ ജീവിതം അലമ്പാക്കാൻ ഇറങ്ങുമ്പോൾ...

മരങ്ങളിൽ പടർന്നു കയറുന്ന വള്ളിച്ചെടികൾ പോലെയും മനുഷ്യ രുണ്ട്. അന്യരുടെ ജീവിതത്തിലേക്ക് മുൻവിധികളും മുറുമുറു പ്പുകളുമായി ക്ഷണിക്കപ്പെടാതെ അവരങ്ങ് ചെന്നു കയറും. മറ്റു ള്ളവരുടെ ജീവിതത്തെപ്പറ്റി കൗതുകം ലേശം കൂടുതലുള്ള കൂട്ടർ. അവരുടെ ഒളിഞ്ഞുനോട്ട ത്വര പലതരത്തിലാകും വെളിപ്പെടുക...

- 

രംഗം ഒന്ന്
അയൽപക്കം
A: കഷ്ടം തന്നെ
B: എന്താ?
A: ദാ അവരുടെ വീട്ടിൽ അടുപ്പ് പുക ഞ്ഞിട്ട് കാലം എത്രയായെന്നോ.

പ്പും കുടിയുമൊന്നുമില്ല. അവള് അവന് ഒന്നും ഉണ്ടാക്കിക്കൊടുക്കില്ല. ഏതു നേരോം പുറത്തൂന്നാ തീറ്റ. ഇങ്ങനേം ഉണ്ടോ മനുഷ്യമ്മാര്?
B: ഇവരോടൊന്നും പറഞ്ഞിട്ട് കാര്യമില്ലെന്നേ. വല്ലാത്ത ജീവിതം തന്നെ...

രംഗം രണ്ട്
ചാറ്റ് റൂം
A: ലവനും ലവളും ഈ പാതിരാത്രിലും ഓൺലൈനിൽ ഉണ്ട്, നീ ശ്രദ്ധിച്ചാരുന്നോ...

B: ശ്രദ്ധിച്ചോന്നോ... അവരുടെ ഓരോ നീക്കവും ഞാൻ നിരീക്ഷിക്കുന്നുണ്ട്. സംശയം വേണ്ട, ഇത് മറ്റേത് തന്നാ. അവിഹിതം. പണി കിട്ടുമ്പോ പഠിച്ചോളും.

രംഗം മൂന്ന്
കവല
A: ദേ ആ പോന്നവളെ കണ്ടോ?
B: കാണാതിരിക്കുന്നതെങ്ങനാ? ഓരോ ദിവസം തുണിക്ക് നീളം കുറയുവല്ലേ. നാണോം മാനോം ഇല്ലാത്തവളുമാർക്ക് തുണി ഉടുത്താലെന്ത്, ഉടുത്തില്ലേലെത്?

രംഗം നാല്
തൊഴിലിടം
A: ഇന്ന് അവൾ ഏതോ ഒരുത്തന്റെ ബൈക്കിലാ വന്നത്. 
B: ഓരോ ദിവസം ഓരോത്തവന്മാരുടെ കൂടെയാ കറക്കം. ബാക്കിയുള്ളവർക്കും കൂടി ചീത്തപ്പേര് ഉണ്ടാക്കാനായിട്ട്.

രംഗം അഞ്ച്
റസിഡൻസ് അസോസിയേഷൻ
A: ഈ അസോസിയേഷന് ചില ചിട്ടകളൊക്കെയുണ്ട്. നേരോം കാലോം നോക്കി വീട്ടിൽ കയറാത്തവരെ ഇവിടെ വച്ചു പൊറുപ്പിക്കാൻ ബുദ്ധിമുട്ടാ...

B: പതിവായി രാത്രി പന്ത്രണ്ടിനും ഒരു മണിക്കുമൊക്കെയാ അവള് വീട്ടിൽ ചെന്നുകേറുന്നത്. ഇവളിതെന്ത് പണി കാണാവോ പോകുന്നത്. ഇതിങ്ങനെ വിട്ടാൽ പറ്റില്ല.

അഞ്ച് രംഗങ്ങളിലായി അരങ്ങേറിയ ഈ സംഭാഷണങ്ങൾ നാടകത്തിലേതോ സിനിമയിലേതോ അല്ല. നമ്മുടെ ചുറ്റുവട്ടത്ത് സദാ പ്രവർത്തനനിരതമായ സി. സി. ടി. വി. ക്യാമറകൾ പോലെ അന്യരുടെ ജീവിതത്തിലേക്ക് നോട്ടമെയ്തിരിക്കുന്നവരാണ് ആ Aയും Bയും. മറ്റുള്ളവരുടെ ജീവിതത്തിന് അതിരു നിർണയിക്കുന്നവർ. അതിര് ലംഘനം നടക്കുന്നുണ്ടോ എന്നറിയാൻ നിരന്തര നിരീക്ഷണത്തിൽ ഏർപ്പെട്ടവർ.