മഴ നനയാതെ കാക്കാം പൊന്നോമനകളെ

മഴക്കാലത്ത് ആരോഗ്യപ്രശ്നങ്ങൾ അലട്ടാതെ അരുമമൃഗങ്ങളെ പരിപാലിക്കാം

- ഡോ. പ്രീന പി. അസിസ്റ്റന്റ് പ്രൊഫസർ പ്രതിരോധ വിഭാഗം മണ്ണുത്തി വെറ്ററിനറി കോളേജ്

ഈർപ്പമേറിയ ഈ കാലാവസ്ഥയിൽ ധാരാളം മഴക്കാലരോഗങ്ങളും സാംക്രമികരോഗങ്ങളും വളർത്തുമൃഗങ്ങളെ ബാധിക്കാനിടയുണ്ട്. പാർവാവൈറസ് രോഗം, എലിപ്പനി, ഫംഗൽബാധ, ത്വക്ക് രോഗങ്ങൾ, ശ്വാസകോശ സംബന്ധമായ രോഗങ്ങൾ, ഉദരരോഗങ്ങൾ, വിരബാധ, ചെവിയിലെ അണുബാധ തുടങ്ങിയവയാണ് പ്രധാനമായും കാണാറുള്ളത്. ഇത്തരം രോഗങ്ങളെ പ്രതിരോധിക്കാൻ ചില കാര്യങ്ങൾ ശ്രദ്ധിക്കുന്നത് നല്ലതാണ്.

മഴക്കാലത്തിന് മുന്നോടിയായി ഓമനമൃഗത്തെ മൃഗഡോക്ടറിനെ കാണിച്ച് ജനറൽ ചെക്കപ്പ് നടത്തുക.

വളർത്തുമൃഗങ്ങളെ വിര വിമുക്തമാക്കുന്നതിന് മുൻഗണന നൽകുക.

പ്രതിരോധ കുത്തിവയ്പ്പ് മഴക്കാലത്തിന് മുമ്പ് തന്നെയെടുക്കുക.