പൊങ്കാല എങ്ങോട്ട് തൂകണം

ആറ്റുകാൽ പൊങ്കാല...

- യു. ആർ. അനന്തമൂർത്തി

മനസ്സിൽ ദേവീരൂപവും ചുണ്ടിൽ മന്ത്രജപങ്ങളുമായി ലക്ഷക്കണക്കിന് ഭക്തജനങ്ങൾ ഒരേ മനസോടെ ഒത്തുചേരുന്ന പുണ്യനിമിഷമാണ് ആറ്റുകാൽ പൊങ്കാല. തിരുവനന്തപുരം നഗരത്ത ഭക്തിയുടെ കനൽക്കടലാക്കി മാറ്റുന്ന ഈ ചടങ്ങ്, വെറുമൊരു ഉത്സവമല്ല. മറിച്ച് അത് ആറ്റുകാലമ്മയോടുള്ള തീക്ഷ്ണമായ ഭക്തിയുടേയും അചഞ്ചലമായ വിശ്വാസത്തിന്റെയും ആത്മനിവേദ്യമാണ്.

കുംഭമാസത്തിലെ മഞ്ഞുതുള്ളികൾ പെയ്യുന്ന പുലരിയിൽ, അടുപ്പുകൂട്ടി അഗ്നി പകർന്ന്, തങ്ങളുടെ പ്രിയപ്പെട്ട അമ്മയ്ക്കായി അന്നം പാകം ചെയ്യുന്ന ഓരോ സ്ത്രീയിലും കുടികൊള്ളുന്നതും സാക്ഷാൽ ദേവി തന്നെയാണ്. സർവ്വ ചരാചരങ്ങളുടെയും മാതാവായ ഭഗവതിയുടെ അനുഗ്രഹം തേടി, ജാതിമതഭേദമന്യേ ഒഴുകിയെ ത്തുന്ന ജനസാഗരം ആറ്റുകാലിനെ സ്ത്രീകളുടെ ശബരിമലയാക്കി മാറ്റുന്നു. ക്ഷമയുടെയും സഹനത്തിന്റെയും പ്രതീകമായ കണ്ണകി ദേവിയുടെ ചൈതന്യത്തിനു മുന്നിൽ, സർവ്വസ്വവും സമർപ്പിച്ചുകൊണ്ട് നടത്തുന്ന ഈ മൺകലങ്ങളിലെ പൂജ, ലോകത്തിലെ തന്നെ ഏറ്റവും വലിയ ആത്മീയ സംഗമങ്ങളിൽ ഒന്നാണ്. കുംഭമാസത്തിലെ കാർത്തികനാളിലാണ് ആറ്റുകാൽ ക്ഷേത്രോത്സവങ്ങളുടെ തുടക്കം. കാപ്പുകെട്ടി കുടിയിരുത്തൽ, കുത്തിയോട്ടം വിളക്കുകെട്ട്, താലപ്പൊലി, തോറ്റംപാട്ട് തുടങ്ങിയവയാണ് ക്ഷേത്രചടങ്ങുകൾ. വ്യത്യസ്തമായ ആചാരങ്ങളും പൂജാവിധികളുമാണ് ഇവിടെയുള്ളത്. വർഷം മുഴുവൻ ശാന്തസ്വരൂപിണിയായി വർത്തിക്കുന്ന ദേവി ഉത്സവദിവസങ്ങളിൽ ഉഗ്രരൂപിണിയായി മാറുന്നു എന്നാണ് സങ്കൽപ്പം. ഈ വർഷത്തെ ആറ്റുകാൽ പൊങ്കാല കുംഭം 19 (2026 മാർച്ച് 3) ചൊവ്വാഴ്ചയാണ്. ഈ ദിവസം ചന്ദ്രഗ്രഹണം കൂടിയുള്ളതിനാൽ അന്നേ ദിവസം ബാലികമാരുടെ താലപ്പൊലി ചടങ്ങും മറ്റും ക്ഷേ താധികാരികൾ നൽകുന്ന സമയത്തിനുള്ളിൽ നടത്തണം.

പൊങ്കാല ഇടേണ്ടവിധം