അപൂർവ്വ രോഗം അതിശയരോഗം

അപൂർവ്വരോഗം അതിശയരോഗം എന്നു കേൾക്കുമ്പോൾ ആരും ഭയക്കേണ്ടതില്ല. എയ്ഡ്സ് അമേരിക്കയും, കോവിഡ് ചൈനയും ലോകനന്മയ്ക്കായി നമുക്ക് കാട്ടി. അവർ അവരുടെ താണ്ഡവം കഴിഞ്ഞ് അടുത്തഘട്ടത്തിനായി കാതോർക്കുകയാണ്.

- 

ഒറാൻ നഗരത്തിൽ പ്ലേഗ് ബാധയുണ്ടായതും ഡോ. റിയു ആതുരസേവയ്ക്കായി സധൈര്യം ഇറങ്ങുന്നതും അൽബേർ കാമു പ്ലേഗ് എന്ന നോവലിൽ ഭീതിജനകമായി പറഞ്ഞുവെച്ചു. 'വസൂരി' എന്ന പേരിൽ മലയാളത്തിൽ അതിന് ഒരു അനുകരണവും ഉണ്ടായി. ഏതായാലും പ്ലേഗും വസൂരിയും വൈദ്യ ശാസ്ത്രം കീഴ്പ്പെടുത്തി ആട്ടിയോടിച്ചുകളഞ്ഞു. പക്ഷേ മെഡിക്കൽ സയൻസിന് കീഴടക്കാൻ കഴി യാത്ത ഒരു രോഗമാണ് സംശയരോഗം. അതിന് മരുന്നില്ല.

ഈ രോഗം ആർക്കും എപ്പോഴും വരാം.

അതിന്റെ പ്രയോക്താവ് മനുഷ്യമനസ്സാണ്.

പലവിധം

ഭാര്യക്ക് ഭർത്താവിനെ സംശയം. വിദേശവാസിയായ ഭർത്താവിന് നാട്ടിലുള്ള ഭാര്യയെ സംശയം. മേലധികാരിക്ക്കീഴ്ജീവനക്കാരനെ സംശയം. നേതാവിന് തനിക്ക് പിറകേ വളർന്നുവരുന്ന അനുയായി തന്നെ കാലുവാരുമോ എന്ന് സംശയം.

കാമുകന് കാമുകിയെ സംശയം. ഒന്നിലും ഒരു സംശയവുമില്ലാത്ത ഭർത്താവിനെ വഞ്ചിച്ച്, ജാര ബന്ധം തേടുന്നവൾക്ക്, ഭർത്താവ് ഇതെല്ലാം അറിയുമോ എന്ന ശങ്ക. അങ്ങനെ രോഗം പലവിധം, അതിന്റെ തിരിച്ചടികളും വ്യത്യസ്തം. കൊലപാതകം, ഡൈവോഴ്സ്, പോലീസ് കേസ്, കോടതി- അങ്ങനെ പോകും. ചാനലുകൾക്കും, പത്രങ്ങൾക്കും വാർത്ത, നോവലുകൾക്ക് ഇതിവൃത്തം. ഒന്നോ രണ്ടോ ദിവസത്തെ ആയുസ്സുമാത്രം. കഥ മറക്കും, പുതിയ കഥ രൂപപ്പെടും.

കഥ