ஆற்றல் தருவார் அஞ்சனையின் மைந்தன்

ஆஞ்சநேயர் கோயில் இல்லாத ஒரு ஊர், ஒரு சிறு கிராமம்கூட இருக்காது.

- எஸ். கோகுலாச்சாரி

1. முன்னுரை 

நம்முடைய சமய மரபில் பல தெய்வ உரு வங்கள், பல்வேறு திருநாமங்களோடு வழிபடப் படுகின்றன. சிவன், மகாவிஷ்ணு, பராசக்தி, முருகன், விநாயகர் என்று எத்தனை வடிவங் கள்? எத்தனை பெயர்கள்? சங்க காலத்திலேயே நிலங்களை ஐவகையாகப் பிரித்து ஒவ்வொரு நிலத்துக்கும் ஒரு பிரதானமான தெய்வத்தை சொல்லி வைத்தார்கள். எத்தனை தெய்வங்கள் இருந்தாலும், அதில், இரண்டு தெய்வங்களுக்கு ஊரெங்கும் கோயில்கள் உள்ளன. இன்னும் சொல்லப்போனால், ஒவ்வொரு தெருவிலும் கோயில்கள் என்று சொல்லலாம்.

1.விநாயகர் 2.ஆஞ்சநேயர்.

ஆஞ்சநேயர் கோயில் இல்லாத ஒரு ஊர், ஒரு சிறு கிராமம்கூட இருக்காது. தென்னகத் தில் மட்டும் இல்லாமல், இந்தியா முழுவதுமே ஆஞ்சநேயருக்கு ஏராளமான கோயில்கள் உண்டு. ஆஞ்சநேயரின் ஜெயந்தி உற்சவத்தை (23.12.2022 வெள்ளிக்கிழமை) முன்னிட்டு அவருடைய சிறப்புகளை முப்பது முத்துக்களாகக் காண்போம்.

2. அனுமன் வரலாறு

திரேதாயுகத்தில் சுமேரு என்ற மலைப்பிர தேசத்தில் வானரர்களுக்குத் தலைவன் ஒருவன் அரசாண்டு வந்தான். அவனுக்கு வெகு காலம் குழந்தை இல்லாமல் இருந்தது. சிவபெருமானின் பேரருளால் ஒரு மகள் பிறந்தாள். அவளுக்கு அஞ்சனாதேவி என்று பெயர் வைத்தான். தக்க பருவத்தில் கேசரி என்ற வானர வீரனுக்கு மணம் முடித்து வைத்தான். அஞ்சனா தேவிக்கும் வெகு காலம் குழந்தைச் செல்வம் இல்லை. அவள் திருமலைக்குச் சென்று ஆகாயகங்கையில் நீராடி ஐம்புலன்களையும் அடக்கி திருமாலை நோக்கி நீண்ட தவம் இருந்தாள்.

அந்த தவத்தின் விளைவாக வாயுபகவான் தனது அம்சத்துடன் சுவை மிகுந்த கனி ஒன்றை தினமும் அளித்து வந்தான். தெய்வாம்சம் பொருந்திய அந்த பிரசாத பலத்தினால் வாயுவின் அம்சத்தோடு அஞ்சனை மார்கழி மாதம் மூல நட்சத்திரத்தில் ஆண் மகவைப் பெற்றெடுத்தாள். அஞ்சனையின் குமரன் என்ற பொருளோடு ஆஞ்சநேயர் என்று திருநாமம் இட்டனர். திரு மலையின் ஏழு மலைகளில் ஒன்று அஞ்சனாத்ரி.