பொது இடங்களில் அதிகரிக்கும் புகைத்தல் பாவனை !

கடந்த சில ஆண்டுகளாக நாட்டின் பல நகரங்களில் பொது இடங்களிலும், வீதிகளிலும் மற்றும் குடியிருப்புப்பகுதிகளிலும் புகைப்பிடிக்கும் பழக்கம் அதிகரித்து வருவதை அவ தானிக்கக் கூடியதாக உள்ளது. குறிப்பாக ஆண்களை விட பெண்களே தற்காலத்தில் புகைத்தலுக்கு அடிமை களாகியுள்ளமையை காணக்கூடியதா கவுள்ளது.

- வீ.பிரியதர்சன்

கடந்த சில ஆண்டுகளுக்கு முன்னர் 18 வயதுக்கு குறைந்தவர் களுக்கு புகையிலைபொருட்களை விற்பனை செய்வது குற்றமாகவும், வீதிகள் பொது இடங்களில் புகைப் பிடித்தல் தண்டனைக்குரிய குற்றமா கவும் காணப்பட்ட நிலையில், அவை தற்போது கைவிடப்பட்டு காணப்ப டுவதால் சிறுவர்கள் முதல் பெரிய வர்கள், பெண்கள் என அனைத்துத் தரப்பினரும் பொது இடங்களிலும் வீதிகளிலும் புகைப்பிடிக்கும் போக்கு அதிகரித்துள்ளது.

எமது நாட்டில், புகைத்தல் பாவ னையினால் பொதுச்சுகாதாரம், பொருளாதாரம், மற்றும் சுற்றுச்சூழல் ஆகியவற்றுக்கு பல்வேறு பாதிப் புக்கள் ஏற்படுகின்றன. 2020 ஆம் ஆண்டு மேற்கொள்ளப்பட்ட சர்வ தேச புகைத்தல் கணக்கெடுப்பின் படி உலகளாவிய ரீதியில் 19.4 வீத மானோர் புகைத்தலில் ஈடுபடுகின் றனர். இது உலக சனத்தொகையில் 3.2 மில்லியன் பேரென கணக்கிடப் பட்டுள்ளது. இவ் ஆய்வறிக்கையில் இலங்கையில் புகைத்தலில் ஈடுபடு வோரின் சதவீதம் 9.1 வீதமாக கணிப் பிடப்பட்டுள்ளது. இது இலங்கை சனத்தொகையில் 1.5 மில்லியன் பேரென கணக்கிடப்பட்டுள்ளது.

எமது நாட்டில் இடம்பெறுகின்ற புகைத்தல் விழிப்புணர்வு செயற்றிட் டங்களின் பிரதிபலனாக புகைத்தல் பாவனையின் வீதம் படிப்படியாக குறைவடைந்து வருகின்ற போதிலும் அண்மைக்காலமாக பொது இடங் களில் புகைப்பிடிக்கும் போக்குகள் அதிகரித்துள்ளன. இதற்கு காரணம் பல பகுதிகளிலும் உள்ள சிறிய சிறிய கடைகளில் புகையிலைப் பொருட்கள் விற்பனை செய்யப்படு கின்றமையை குறிப்பிடலாம்.

இவ்வவாறான கடைகளில் எவ் வித கட்டுப்பாடுகளுமின்றியும் வயது வேறுபாடுகள் இன்றியும் புகை யிலைப் பொருட்கள் விற்பனை செய் யப்படுவதுடன், அவற்றை கொள் வனவு செய்வோர் கடைகளுக்கு அருகில் நின்றவாறு புகைத்தலில் ஈடுபடுகின்றனர். இவ்வாறான செயற் பாடுகளும் ஏனையவர்களை புகைத் தலில் ஈடுபடுவதற்கு தூண்டும் கார ணியாக அமைகின்றது.