కాళిదాసుపై కథనం

భాస్కరభట్ల పద్మనాభం కొన్నేళ్ల క్రితం కాళిదాసుపై చెప్పిన కొన్ని విషయాలలో ఇదొకటి

- యామిజాల జగదీశ్

భాస్కరభట్ల పద్మనాభం కొన్నేళ్ల క్రితం కాళిదాసుపై చెప్పిన కొన్ని విషయాలలో ఇదొకటి. ఒక బ్రాహ్మణ కుర్రవాడు అందానికి మన్మథుడు. బుద్ధికి బృహస్పతి. గురుకులానికి వెళ్ళి భక్తిశ్రద్ధలతో శుశ్రూష చేసి గురువు వద్ద శాస్త్ర విద్యలు నేర్చుకుంటున్నాడు. ఒకనాడు గురువుగారు ఇంకో విద్యార్థికి పాఠం చెప్తూ వాక్యార్థం తప్పు చెప్పారట, ఏదో పరధ్యానంలో ఉండి. అప్పుడు అక్కడే ఉన్న బ్రాహ్మణకుర్రాడు చటుక్కున అర్థం తప్పన్నాడట గురువుగారితో. దాని మీద గురువుకీ, ఆ శిష్యుడికి మధ్య మాటా మాటా పెరిగింది. “నీ చదువంతా మరిచిపోయి పామురడవై గాడిదలు కాచుకుంటూ తిరుగు గాడిదా, గురువునెదిరిస్తావా?” అని గురువుగారు శపించారు.

గురుధిక్కారం ఊరికే పోతుందా? ఆ దెబ్బతో శిష్యుడు. లెంపలు వాయించుకుని గురువు గారి కాళ్ళ మీద పడి, అనుగ్రహించమని ప్రాధేయపడ్డాడు. గురువు ప్రసన్నుడై నా శాపం జరగవలసిందే. కొంత కాలం అయ్యాక భార్య వల్ల మంత్రోపదేశం పొంది దేవి అనుగ్రహం వల్ల ఈ గురుధిక్కారం పోయి మహాకవివవుతావు" అని అనుగ్రహించారు.