ఆలయాల క్షేత్రం

లోకాలను పాలించే త్రిమూర్తులలో లో లోకరక్షకుడు శ్రీ మహావిష్ణువు, లయకారకుడు శ్రీ సదాశివుడు లోకంలో ఆలయాలలో కొలువుతీరి భక్తుల సేవలు అందుకుంటూ కొలిచిన వారిని కాపాడుతున్నారు.

- ఇలపావులూరి వెంకటేశ్వర్లు

లోకాలను పాలించే త్రిమూర్తులలో లో లోకరక్షకుడు శ్రీ మహావిష్ణువు, లయకారకుడు శ్రీ సదాశివుడు లోకంలో ఆలయాలలో కొలువుతీరి భక్తుల సేవలు అందుకుంటూ కొలిచిన వారిని కాపాడుతున్నారు.

కానీ సృష్టికర్త బ్రహ్మదేవునికి ఎక్కడా ఆలయం లేకపోవడం చెప్పుకోవలసిన విషయం. విధాతకు పూజార్హత లేకపోవడానికి సంబంధించి కొన్ని గాథలు వినిపిస్తాయి. అసత్యమాడినందుకు కైలాసనాథుడు ఇచ్చిన శాపం కారణమని చెబుతారు.

మరో గాథ ప్రకారం త్రిమూర్తులలో ఎవరు గొప్పవారు? అన్న విషయాన్నీ కనుగొనడానికి మహర్షుల కోరిక మీద సత్య లోకానికి వెళ్లిన భృగు మహర్షి తనను పట్టించుకోని కమలాసనునికి భూలోకంలో పూజలు ఉండవని శపించినట్లు తెలుస్తోంది. ఈ రెండు గాథల సారాంశం ఏమిటంటే బ్రహ్మ దేవువునికి భూలోకంలో పూజలు చేయరు అన్నదే!

చిత్రంగా కొన్ని క్షేత్రాలలో హంసవాహనుడు కొలువై పూజలు అందుకోవడం కనపడుతుంది. వాటిల్లో విశేషమైనది రాజస్థాన్ రాష్ట్రంలోని "పుష్కర" క్షేత్రం. అదే విధంగా తమిళనాడు, కేరళలో కొన్ని క్షేత్రాలలో సృష్టికర్త కొలువై ఉండటం కనిపిస్తుంది.

మన రాష్ట్రంలో కూడా బ్రహ్మ ఆలయం ఒకటి ఉండటం చెప్పుకోవలసిన విషయం.

ఈ బ్రహ్మ ఆలయం పద్దెనిమిదో శతాబ్ద కాలంలో నిర్మించబడినట్లుగా తెలుస్తోంది. ఎవరు? ఎందుకు? ఎప్పుడు? ఈ ఆలయాన్ని నిర్మించారు. అన్న విషయాలను తెలుసుకొందాం.

చేబ్రోలు

క్రీస్తు పూర్వం నుండి మానవ నాగరికత నెలకొన్న చేబ్రోలు ఒకప్పుడు రాజకీయంగా మరియు ఆధ్యాత్మికంగా కూడా ప్రసిద్ది చెందిన ప్రదేశంగా అనేక గ్రంధాలూ, పరిశోధనలు, శాసనాలు తెలియచేస్తున్నాయి. క్రీస్తుశకం రెండవ శతాబ్ద కాలంలో శాతవాహన రాజులు వేసిన శాసనాన్ని నేటికీ మనం చూడవచ్చు.