ఔషధం- సుగంధం దాల్చిన చెక్క

మసాలాకూరల్లో దాల్చిన చెక్క లేకపోతే వంటకు రుచిరాదు. దక్షిణ భారతదేశంలో దీని ఆదరణ మరి ఎక్కువ. కేరళలో పండించే సుంగధ ద్రవ్యాల పంటల్లో దాల్చిన చెక్కకు ప్రత్యేకస్థానం ఉంటుంది.

- తరిగొప్పుల విఎల్లెన్ మూర్తి 

మసాలాకూరల్లో దాల్చిన చెక్క లేకపోతే వంటకు రుచిరాదు. దక్షిణ భారతదేశంలో దీని ఆదరణ మరి ఎక్కువ. కేరళలో పండించే సుంగధ ద్రవ్యాల పంటల్లో దాల్చిన చెక్కకు ప్రత్యేకస్థానం ఉంటుంది. అయితే ఇది సుగంధ ద్రవ్యంగానే కాదు ఔషధపరంగా కూడా దీనిలో పుష్కలమైన గుణాలున్నాయి.

దాల్చిన చెట్టు బెరడు నుంచి వచ్చిన పట్టను ఎండబెట్టి దాల్చిన చెక్క పేరుతో మార్కెట్లో అమ్ముతుంటారు.మనదేశంలో దొరికే దాల్చిన చెక్క రకం పేరు 'తమాలా'.మలబారు తీరం దీని పుట్టినిల్లు. దాల్చినచెక్క ప్రాచీన కాలం నుండి అత్యంత ఇష్టంగా వాడబడుతోన్న సుగంధద్రవ్యం.క్రీ.పూ. 2000నాటి కాలంలో ఈజిప్టులో దాల్చినచెక్క వాడకం అధికంగా ఉండేదట. దీని పుట్టకపై స్పష్టమైన ఆధారాలు లేవుకానీ చైనాలో పుట్టిందని, కాదు కాదు శ్రీలంకలో పుట్టిందని అందుకే భారతదేశంలోకి త్వరగా రాగలిగిందని పరిశోధకుల వాదనలు ఉన్నాయి. ప్రాచీన కాలంలో దీనిని కానుకలా ఉపయోగించేవారట. దాల్చినచెక్కలను కానుకగా ఇచ్చి దేవతల మొక్కులు చెల్లించుకునేవారట. దాల్చినచెక్కలను కానుకగా ఇచ్చి దేవతల మొక్కులు చెల్లించుకునేవారట. ఆ సంప్రదాయం ఎక్కువగా ఉన్న రోమన్లు, గ్రీకు ప్రజల్లో ఉండేదని చరిత్ర చెబుతోంది.

దీన్ని ప్రసాదంగా భావించేవారు కాబట్టి దీన్ని వంటల్లో ఉపయోగించేవారు.కాదట. అందుకని వంటల్లో దీని ఉపయోగంపై కొన్ని సంవత్సరాలపాటు నిషేధం విధించారు. అయితే దీన్ని తొలిసారి వంటల్లో వాడిన ఘనత మాత్రం చైనాదేనని శాస్త్రవేత్తలు చెబుతున్నారు. ఈ మొక్క ఎత్తైన కొండల్లో పెరుగుతుంది. బెంగాళ్, అస్సాం వంటి కొన్ని ప్రదేశాలలో సాగుచేస్తారు.వీటి ఆకులు, దళసరిగా, పెళసుగా ఉంటాయి. ఈ చెట్టు ఆరుమీటర్ల నుంచి ఎనిమిది మీటర్ల వరకూ పెరుగుతుంది.