પુત્રીના ફોન પર વીડિયો કોલ આવતા પિતાએ પુત્રી,પત્નીને ઘરમાંથી કાઢી મૂક્યા

સગીરાના પ્રેમસંબંધની જાણ થતા પિતાએ તેનો અભ્યાસ બંધ કરાવી દીધો હતો અભયમની ટીમે સગીરાનો અભ્યાસ ફરી શરૂ કરાવ્યો, પિતાયુવકનું કાઉન્સેલિંગ કર્યું કરી

16 વર્ષીય સગીરાને સ્કૂલ નજીક રહેતા એક યુવક સાથે પ્રેમસંબંધ બંધાયો હતો. આ સંબંધની જાણ પિતાને થતા પુત્રીનો અભ્યાસ બંધ કરાવી મોબાઈલ ફોન લઈ લીધો હતો. ઘરની બહાર પણ નીકળવા દેતા ન હતા. એક વર્ષ પછી અચાનક સગીરાના મોબાઈલ ફોનમાં તે જ યુવકનો વીડિયો કોલ આવ્યો હોવાથી પિતાએ શંકા રાખીને પુત્રી અને પત્નીને ઘરમાંથી કાઢી મૂક્યા હતા. માતા અને પુત્રીએ અભયમની મદદ માગતા ટીમે તમામનું કાઉન્સેલિંગ કરી મામલો થાળે પડાવ્યો હતો.