రాష్ట్రంలో భూదందాలు

గతంలో కేటీఆర్ చేసినట్లుగా.. ఇప్పుడు నేరుగా మంత్రులు • మంత్రివర్గ సమావేశాల్లో పంపకాలపై చర్చ జరుగుతోంది • ఇచ్చిన హామీల్లో ఏం అమలు చేశారని విజయోత్సవాలు చేస్తున్నారు? కేంద్ర మంత్రి జి.కిషన్ రెడ్డి

- 

కేంద్ర మంత్రి జి. కిషన్ రెడ్డి ఆదివారం నల్గొండ జిల్లా కార్యలయంలో నిర్వహించిన ప్రెస్ కాన్ఫరెన్స్ లో మాట్లాడారు. "తెలంగాణ రాష్ట్రంలో కాంగ్రెస్ ప్రభుత్వం ఏర్పాటై రెండేండ్లు పూర్తవుతున్న సందర్భంగా విజయోత్సవాల పేరిట సీఎం రేవంత్ రెడ్డి అనేక ప్రాంతాల్లో పర్యటిస్తున్నారు. ప్రభుత్వం తరఫున కూడా అనేక కార్యక్రమాలు చేయడానికి ప్లాన్ చేస్తున్నారు. నిర్దిష్టంగా గత రెండేండ్లుగా కాంగ్రెస్ ప్రభుత్వం సాధించిన విజయం ఏదీ లేదు. మార్పు తీసుకొస్తామని, ప్రజాపాలన తీసుకొస్తామని అనేక రకాల హామీలు ఇచ్చారు. కానీ ఈరోజు ఏదీ కూడా మన కండ్ల ముందు కనిపించడం లేదు. బీఆర్ఎస్ పార్టీ పదేండ్లు ఎలా పాలన చేసిందో.. ఒక శాతం అటు ఇటు కాంగ్రెస్ సర్కారు కూడా అదే పాలన చేస్తోంది. అదే రకమైన అవినీతి, అదే రకమైన అక్రమాలు ఉన్నాయి. గత ప్రభుత్వంలో కేసీఆర్ తనకు తాను మేధావిగా చెప్పుకునేవారు.