208 కిలోల బంగారు ఆభరణాలతో

జగన్నాథుడు, బలభద్రుడు, సుభద్రకు 208 కిలోల బంగారు ఆభరణాలతో అలంకరణ

- 

'జగన్నాథుడికి 'సునా భేషా'

పూరీలో అరుదైన ఘట్టం ఆవిష్కృతం

పూరీలో కొనసాగుతున్న రథయాత్ర ఉత్సవాలు

భువనేశ్వర్ : ఒడిశాలోని పూరీ క్షేత్రంలో జగన్నాథుడి రథయాత్ర కన్నుల పండువగా జరుగుతోంది. దేశవిదేశాల నుంచి లక్షలాది భక్తులు ఈ రథయాత్రను చూసేందుకు పోటెత్తుతున్నారు. అయితే పూరిలో జరిగే వార్షిక రథయాత్ర ఉత్సవంలో అరుదైన ఘట్టం ఆదివారం ఆవిష్కృతమవ్వనుంది.'సునా భేషా' ఆచారం జరగనుంది. ఈ సందర్భంగా జగన్నాథుడు, ఆయన సోదరుడు బలభద్రుడు, సోదరి దేవి.సుభద్రలను 208 కిలోల బంగారు ఆభరణాలతో అలంకరించనున్నారు. ఈ క్రమంలో అసలు 'సునా భేషా' అంటే ఏమిటి? ఇది ఎప్పుడు జరుగుతుంది? ప్రత్యేకలేంటి? తెలుసుకుందాం.

'సున్ భేషా' అంటే ఏమిటి?

జగన్నాథుడు, బలభద్రుడు, సుభద్రతల దేవతామూర్తులకు బంగారు ఆభరణాలతో అలంకరించి రథంపై ఊరేగించడాన్ని 'సునా భేషా'గా పిలుస్తారు. ఈ ఆచారం సాయంత్రం 6.30 నుంచి రాత్రి 11 గంటల వరకు భక్తులు వీక్షించవచ్చు. 'సునా భేషా' సమయంలో దేవుళ్లను 208 కిలోల బంగారు ఆభరణాలతో అలంకరిస్తారు. జగన్నాథుడు, బలభద్రుడు, సుభద్రలకు బంగారం, వజ్రం, వెండి, ఇతర విలువైన లోహాలతో సహా దాదాపు 30 రకాల ఆభరణాలతో అలంకరిస్తారు.

565 ఏళ్ల క్రితం నాటి ఆచారం