Stilbaai bars uit sy nate

Die Stilbaai-besigheidsforum het vanjaar afgewyk van die geykte formaat van 'n jaarvergadering en in plaas van 'n geleentheidspreker het hulle twee paneelbesprekings op die agenda geplaas.

- Johan Victor

Werksgeleenthede

Die een het gehandel oor werk en werksgeleenthede in Stilbaai en die ander oor die toekomstige groei van die dorp. Inwoners het Woensdagaand, 30 Julie, die gemeenskapsaal in Stilbaai amper volgepak om antwoorde te kry oor die groei en toekoms van die dorp.

Uit dié gesprek was dit duidelik dat groei onafwendbaar én noodsaaklik is vir Stilbaai se ekonomiese oorlewing, maar dit moet met wysheid, sorg en verantwoordelikheid geskied.

Rachel Wall, voorsitter van die Besigheidsforum, het die jaarverslag voorgelê en 'n paar algemene sake en hoogtepunte hanteer voordat die twee paneelbesprekings, waarvoor meeste mense gekom het, hanteer is.