Gemeenskap onthou Frans Gouws (57)

Slegs vyf dae voor Kersfees moes Frans Gouws (57) se familie finaal van hom afskeid neem.

- Maretha Swanepoel

Frans is enkele dae voor sy dood met Stevens-Johnson-sindroom gediagnoseer nadat hy 'n ernstige allergiese reaksie op medikasie ontwikkel het. Sy vrou, Marion, verduidelik dat die sindroom ernstige infeksies kan veroorsaak wat tot sepsis kan lei.

"Hy het die dokter besoek nadat hy pynlike rooi sere oor sy liggaam en in sy keel ontwikkel het. Die dokter het hom met Stevens-Johnson-sindroom gediagnoseer en hy is die daaropvolgende Woensdag opgeneem. Die simptome is soortgelyk aan derdegraadse brandwonde en pasiënte word gewoonlik in 'n brandeenheid behandel," het sy gesê.