હોલિસ્ટિક ડેવલપમેન્ટની ઈકોસિસ્ટમ તૈયાર કરવામાં સમિટ સફળ થશે CM પટેલ

જાપાન પ્રવાસનો પ્રથમ દિવસ : ટોકિયોમાં ગુજરાતી સમાજ સાથે મિલન સમારોહ યોજાયો મુખ્યમંત્રીએ ગુજરાતી ભારતીય સમુદાયને વાઈબ્રન્ટ સમિટ-2024માં જોડાવા આમંત્રણ પાઠવ્યું

- 

10મીથી 12મી જાન્યુઆરી-2024 દરમ્યાન ત્રિ-દિવસીય વાઇબ્રન્ટ ગુજરાત ગ્લોબલ સમિટ યોજાશે. જેના પ્રચાર-પ્રસાર અને દેશી વિદેશી ઉદ્યોગકારોને આમંત્રિત કરવા માટે દેશના વિવિધ રાજ્યોના મહાનગરો અને વિદેશોમાં રોડ-શો યોજાઈ રહ્યાં છે. જેના ભાગરુપે મુખ્યમંત્રી ભૂપેન્દ્ર પટેલ, મુખ્ય સચિવ રાજકુમારના નેતૃત્વમાં એક ઉચ્ચ સ્તરીય ડેલિગેશન અત્યારે જાપાન-સિંગાપોરના એક સપ્તાહના પ્રવાસે ગયું છે. ગુજરાતનું આ ઉચ્ચ સ્તરીય પ્રતિનિધિ મંડળ રવિવારે વહેલી સવારે જાપાન પહોંચી ગયું હતું. જ્યાં, જાપાનના ભારતીય રાજદૂત સી.બી જ્યોર્જ અને દૂતાવાસના અધિકારીઓએ તેમનું સ્વાગત કર્યું હતું. આ તબક્કે મુખ્યમંત્રીએ જણાવ્યું હતું કે, વડાપ્રધાન નરેન્દ્ર મોદીએ, વિકસિત ભારત @ 2047નું વિઝન આપ્યું