ભાજપમાં ભાવિ નવાજૂની વિશે સચિવાલયમાં અગ્રણીઓ-કાર્યકરોમાં ઉત્સુક્તાનો માહોલ

સંગઠન અને સરકારમાં કોને સ્થાન મળી શકે અને કોનું પત્તુ કપાઇ શકે તેની ચર્ચા દરેક ચૂંટણી પહેલા કાર્યકરોને બોર્ડ-નિગમમાં નિમણૂકનો ગોળ કોણીએ લગાવાતાનો બળાપો

- 

ભાજપના ટોચના નેતાઓની તાજેતરમાં ઉપરાછાપરી બેઠકોના કારણે સંગઠનમાં ફેરફારો, આગામી સમયમાં મંત્રી મંડળમાં બદલાવ અને બોર્ડનિગમોમાં નિમણૂકનો મુદ્દો મંગળવારે સચિવાલયમાં આવેલા ભાજપના નેતાઓ-કાર્યકરોમાં ચર્ચાનો વિષય બન્યો હતો. સામાન્ય કરતા વધુ સંખ્યામાં ભાજપના ધારાસભ્યો-હોદ્દેદારો અને કાર્યકરો જોવા મળ્યા હતા. તેમણે આગામી સમયમાં સંગઠન અને સરકારમાં કોને સ્થાન મળી શકે અને કોનું પત્તુ કપાઇ શકે તેની જાણકારી મેળવવા પ્રયાસ કર્યા હતા.