Bejaarde egpaar se gewuif vir Powervan raak stil

'n Egpaar van Denneoord, dr.

- Alida de Beer

Die Pieterses voor die muur waarvoor hulle vir die Powervan gewaai het. Foto verskaf

(Foto verskaf)

Jan Pieterse en sy vrou, Antoinette, se vriendelike gewuif vir die verbygaande Powervan het altyd die aandag van passasiers en aan boord personeel getrek. Dan was daar 'n vrolike oor-en-weer gegroetery.Die bejaarde egpaar het vir die laaste paar jaar by hul dogter, Reda-Lené Spilhaus, in hul huis, wat reg langs die treinspoor geleë is, gewoon. Hulle het graag elke dag buite in die sonnetjie gesit, Jan met sy kenmerkende keppie op wat sy ma nog vir hom gebrei het. So het die gewoonte ontstaan om elke keer te waai wanneer die Powervan op sy gebruiklike roete met die berg op verbykom.