திரைப்பட இயக்குநர் கே.பாக்யராஜ் மறைவு

நடிகரும் இயக்குநருமான கே. பாக்யராஜ் (73) மாரடைப்பால் சென்னையில் சனிக்கிழமை (ஜூன் 27) காலமானார்.

- 

தனது தனித்துவ திரைக்கதைகளால் ரசிகர்களைக் கவர்ந்த பாக்யராஜ், 1980 காலகட்டங்களில் தலைசிறந்த 'திரைக்கதை மன்னன்' எனப் போற்றப்பட்டவர். பாரதிராஜாவிடம் உதவியாளராகத் தொடங்கி, 'சுவரில்லாத சித்திரங்கள்' மூலம் இயக்குநராக அறிமுகமான அவர், 70-க்கும் மேற்பட்ட படங்களில் நடித்தும், 25-க்கும் மேற்பட்ட படங்களை இயக்கியும், நடுத்தர வர்க்க வாழ்க்கையை நகைச்சுவை, குடும்ப உணர்வுகளுடன் திரையில் கொண்டு வந்தார்.

பாரதிராஜாவின் '16 வயதினிலே', 'கிழக்கே போகும் ரயில்' உள்ளிட்ட படங்களில் உதவி இயக்குநராகப் பணியாற்றினார். 'கிழக்கே போகும் ரயில்', 'டிக் டிக் டிக்' படங்களுக்கு பாரதிராஜாவுடன் இணைந்து கதை எழுதினார். ‘சிகப்பு ரோஜாக்கள்' படத்துக்கு வசனம் எழுதியவர், துணை கதாபாத்திரங்களிலும் நடித்து வந்தார். தொடர்ந்து பல்வேறு படங்களை இயக்கிய பாக்யராஜ், தனது படங்களில் கதாநாயகனாகவும் நடித்து புகழ் பெற்றார்.