பிகாரில் தொகுதிப் பங்கீடு பேச்சு தீவிரம்

முதல்வர் வேட்பாளர் நிதீஷ் குமார்: மத்திய அமைச்சர் கிரிராஜ் சிங் அறிவிப்பு

- 

பிகார் சட்டப்பேரவைத் தேர்தலுக்கான தேதி அறிவிக்கப்பட்டுள்ள நிலையில், ஆளும் தேசிய ஜனநாயக கூட்டணி, எதிர்க்கட்சிகளின் 'இண்டி' கூட்டணிக் கட்சிகளுக்குள் தொகுதிப் பங்கீடு பேச்சுவார்த்தை தீவிரமடைந்துள்ளது.

பாட்னா/புது தில்லி, அக். 8: பிகார் சட்டப்பேரவைத் தேர்தலுக் கான தேதி அறிவிக்கப்பட்டுள்ள நிலையில், ஆளும் தேசிய ஜன நாயக கூட்டணி, எதிர்க்கட்சிக ளின் 'இண்டி' கூட்டணிக் கட்சிக ளுக்குள் தொகுதிப் பங்கீடு பேச்சு வார்த்தை தீவிரமடைந்துள்ளது.

பிகாரில் மொத்தம் 243 பேரவைத் தொகுதிகள் உள்ளன. நவம்பர் 6, 11-ஆம் தேதிகளில் இரு கட்டங்களாக சட்டப்பேரவைத் தேர்தல் நடைபெறவுள்ளது. 14-ஆம் தேதி வாக்கு எண்ணிக்கை நடைபெற்று முடிவுகள் அறிவிக்கப்படுகின்றன.

முதல்வர் நிதீஷ் குமார் தலைமையிலான ஐக்கிய ஜனதா தளம், பாஜக உள்ளிட்ட கட்சிகள் அடங்கிய ஆளும் கூட்டணிக்கும், லாலு பிரசாதின் ராஷ்ட்ரீய ஜனதா தளம், காங்கிரஸ், இடதுசாரிகள் உள்ளிட்ட எதிர்க்கட்சிகளின் கூட்டணிக்கும் கடும் போட்டி நிலவி வருகிறது.

பாஜக கூட்டணி தீவிரம்:

பாட்னாவில் பாஜக தேர்தல் குழுக் கூட்டம் புதன்கிழமை நடைபெற்றது. பாஜக மூத்த தலைவரும் மத்திய அமைச்சருமான தர்மேந்திர பிரதான் தலைமையில் நடைபெற்ற இக்கூட்டத்தில் கட்சியின் மாநிலத் தலைவர்கள் பங்கேற்றனர்.

தொடர்ந்து கூட்டணித் தலைவர்களின் ஆலோசனைக் கூட்டமும் நடைபெற்றது. அப்போது தொகுதிப் பங்கீடு ஒப்பந்தம் உள்பட தேர்தல் தொடர்பாக பல்வேறு விஷயங்கள் ஆலோசிக்கப்பட்டன. இவை அனைத்தும் மத்திய தலைமையிடம் அறிக்கையாக அளிக்கப்படும். அவர்கள் இறுதி முடிவு எடுப்பார்கள் என்று பாஜக தரப்பில் கூறப்பட்டுள்ளது.