நீட் மறுதேர்வு நடத்தக் கோரிய மனு விசாரணைக்கு ஏற்பு

மின் தடையால் பாதிக்கப்பட்ட விவகாரம்

- 

புது தில்லி, ஜூலை 16: இளநிலை மருத்துவப் படிப்புகளுக்கான தகுதிகாண் நுழைவுத் தேர்வின் (நீட்) போது மின் தடை ஏற்பட்டதால் பாதிக்கப்பட்ட மாணவர்களுக்கு மறுதேர்வு நடத்த உத்தரவிடக் கோரி தாக்கல் செய்யப்பட்ட மனுவை உச்சநீதிமன்றம் விசாரணைக்கு ஏற்றது.

உச்சநீதிமன்ற நீதிபதிகள் சூரியகாந்த், ஜாய்மால்யா பாக்சி ஆகியோர் அடங்கிய அமர்வு அடுத்த வாரம் இந்த மனுவை விசாரிக்க உள்ளது.

நீட் மதிப்பெண் அடிப்படையிலான எம்பிபிஎஸ் உள்ளிட்ட இளநிலை மருத்துவப் படிப்பு மாணவர் சேர்க்கை கலந்தாய்வு வரும் 21-ஆம் தேதி தொடங்க உள்ள நிலையில், இந்த மனுவை உச்சநீதிமன்றம் விசாரிக்கிறது.