ஒருமைப்பாடு, முன்னேற்றத்துக்கான கருவி ஆங்கிலம்: திரிணமூல் காங்கிரஸ்

ஆங்கிலம் என்பது வெறும் மொழி மட்டுமல்ல; அது ஒருமைப்பாடு, வாழ்வின் முன்னேற்றத்துக்கான கருவியாகவும் திகழ்கிறது என்று திரிணமூல் காங்கிரஸ் எம்.பி. டெரிக் ஓபிரையன் தெரிவித்தார்.

- 

புது தில்லி, ஜூன் 27:

ஆங்கிலத்தில் பேசும் இந்தியர்கள் வெட்கப்படும் நாள் வெகுதொலைவில் இல்லை. நமது கலாசாரம், வரலாறு மற்றும் மதத்தை அந்நிய மொழிகளில் புரிந்து கொள்ள முடியாது என்று மத்திய உள்துறை அமைச்சர் அமித் ஷா அண்மையில் கூறியிருந்தார்.

இதற்கு பதிலளிக்கும் வகையில் தனது வலைதளத்தில் டெரிக் ஓபிரையன் கருத்துத் தெரிவித்துள்ளார். அதில், ஆங்கிலம் கற்பதால் இந்தியர்கள் யாரும் தாழ்ந்துவிட மாட்டார்கள். இன்றைய உலகமயமான சூழ்நிலையில் ஆங்கிலம் கற்பது மிகவும் அவசியம். அப்போதுதான் உலக நாடுகளுடன் நாம் தொடர்பில் இருக்க முடியும்.