நெல்லையில் கட்டப்படவுள்ள நூலகத்துக்கு காயிதே மில்லத் பெயர் சூட்டப்படும்

நெல்லையில் கட்டப்படவுள்ள நூலகத்துக்கு காயிதே மில்லத் பெயர் சூட்டப்படும் என தமிழக முதல்வர் மு.க. ஸ்டாலின் வெள்ளிக்கிழமை அறிவித்தார்.

- 

திருச்சி, மே 9:

திருச்சி எம்.ஐ.இ.டி. பொறியியல் கல்லூரியில் இஸ்லாமிய இலக்கியக் கழக பொன்விழா, உலக இஸ்லாமியத் தமிழ் இலக்கிய 9-ஆவது மாநாடு வெள்ளிக்கிழமை நடைபெற்றது.

மாநாட்டைத் தொடங்கி வைத்தும், விருதுகளை வழங்கியும் அவர் பேசியதாவது: இஸ்லாமிய இலக்கியக் கழகத்தின் சார்பில் நடைபெறும் உலக இஸ்லாமியத் தமிழ் இலக்கிய மாநாட்டைத் தொடங்கி வைத்து, விருதுகள் வழங்குவதில் பெருமை அடைகிறேன். இந்த பெருமைக்கு முக்கிய காரணம், காதர்மொகிதீனுக்கு 'உமறுப்புலவர் விருதை' நான் வழங்குவது தான். கண்ணியத்துக்குரிய காயிதே மில்லத் வரிசையில், இன்றைக்குத் தமிழ் சமுதாயத்துக்காக வழிகாட்டிக் கொண்டிருப்பவர்தான் காதர் மொகிதீன். அவருக்கும், இந்த மாநாட்டில் விருதுகள் பெற்ற மற்றவர்களுக்கும் வாழ்த்துகள்.