உச்சநீதிமன்ற தலைமை நீதிபதியாக சூர்ய காந்த் பதவியேற்பு

புது தில்லி, நவ.24: உச்சநீதிமன்றத்தின் 53-ஆவது தலைமை நீதிபதியாக சூர்ய காந்த் திங்கள்கிழமை பதவியேற்றார். தில்லியில் உள்ள குடியரசுத் தலைவர் மாளிகையில் நடைபெற்ற விழாவில் குடியரசுத் தலைவர் திரௌபதி முர்மு அவருக்கு பதவிப் பிரமாணம் செய்து வைத்தார். அப்போது, 'கடவுளின் பெயரில்' என ஹிந்தியில் அவர் உறுதிமொழி ஏற்றார்.

- 

உச்சநீதிமன்றத் தலைமை நீதிபதியாக இருந்த பி.ஆர்.கவாய் ஞாயிற்றுக் கிழமையுடன் பணி ஓய்வுபெற்றதைத் தொடர்ந்து, புதிய தலைமை நீதிபதியாக சூர்ய காந்த் பதவியேற்றார். இவர் அடுத்த 15 மாதங்கள் இந்தப் பதவியை வகிப்பார். 2027-ஆம் ஆண்டு பிப்ரவரி 9-இல் பணி ஓய்வு பெறுவார்.

பதவியேற்பு விழாவில் குடியரசு துணைத் தலைவர் சி.பி. ராதாகிருஷ்ணன், பிரதமர் நரேந்திர மோடி மற்றும் மூத்த தலைவர்கள் பங்கேற்றனர். உச்சநீதிமன்ற தலைமை நீதிபதியாக பதவியேற்ற உடன், நேராக பிரதமர் நரேந்திர மோடியிடம் சென்று சூர்ய காந்த் வாழ்த்து பெற்றார். இந்த புகைப்படத்தை பிரதமர் மோடி பின்னர் தனது எக்ஸ் பக்கத்தில் வெளியிட்டார். அதனுடன், 'இந்தியாவின் தலைமை நீதிபதியாக சூர்ய காந்த் பதவியேற்கும் விழாவில் பங்கேற்றேன். அவர் பணியை சிறப்பாக ஆற்ற வாழ்த்துகள்' என்று பிரதமர் பதிவிட்டார்.

வாழ்க்கைக் குறிப்பு: