தமிழக அரசின் தில்லி சிறப்பு பிரதிநிதி வீட்டில் 87 பவுன் நகைகள் திருட்டு

தஞ்சாவூரில் தமிழக அரசின் தில்லி சிறப்பு பிரதிநிதியும், முன்னாள் மக்களவை திமுக உறுப்பினருமான ஏ.கே.எஸ். விஜயன் வீட்டில் பூட்டை உடைத்து 87 பவுன் நகைகளை மர்மநபர்கள் திருடிச் சென்றனர். இதுதொடர்பாக போலீஸார் தீவிர விசாரணை நடத்தி வருகின்றனர்.

- 

கடந்த 1999, 2004, 2009-ஆம் ஆண்டுகளில் நடைபெற்ற மக்களவைத் தேர்தலில் நாகை தொகுதியில் திமுக சார்பில் போட்டியிட்டு வெற்றி பெற்றவர் ஏ.கே.எஸ். விஜயன். இவர் தற்போது தமிழக அரசின் தில்லி சிறப்பு பிரதிநிதியாகவும், திமுக விவசாய அணி மாநிலச் செயலராகவும் உள்ளார். இவரது வீடு தஞ்சாவூர் புதிய பேருந்து நிலையம் அருகே புதுக்கோட்டை சாலையிலுள்ள சேகரன் நகரில் உள்ளது.