நிபந்தனைகளைப் பின்பற்றி விநாயகர் சதுர்த்தி: வேலூர் ஆட்சியர்

பொது அமைதி, பாதுகாப்புக்கு பாதிப்பு ஏற்படாத வகையில் நிபந்தனைகளைப் பின்பற்றி விநாயகர் சதுர்த்தி விழாவைக் கொண்டாட வேண்டும் என வேலூர் ஆட்சியர் வி.ஆர்.சுப்புலட்சுமி அறிவுறுத்தியுள்ளார்.

- 

வேலூர், ஆக.18:

விநாயகர் சதுர்த்தியை முன்னேற்பாடுகள் குறித்து அனைத்துத்துறை அலுவலர்கள், விழா ஏற்பாட்டாளர்களுடனான ஆலோசனைக் கூட்டம் ஆட்சியர் அலுவலகத்தில் திங்கள்கிழமை நடைபெற்றது. கூட்டத்துக்கு, தலைமை வகித்து ஆட்சியர் வி.ஆர்.சுப்புலட்சுமி பேசியது:

வேலூர் மாவட்டத்தில் விநாயகர் சிலை தயாரிக்கும் இடங்களில் ஆய்வு செய்து சிலையின் உயரம், சிலை செய்ய பயன்படுத்தும் மூலப்பொருள்கள் விதிகளுக்குட்பட்டுள்ளதா என உறுதி செய்ய வேண்டும். மீறுவோர் மீது வழக்குப் பதிவு செய்ய வேண்டும். வேதிப்பொருள்கள் பயன்படுத்தி வர்ணம் பூசப்பட்ட விநாயகர் சிலைகள் நிறுவப்படுவதால் ஏற்படும் தீமைகள் குறித்து விளக்கி இயற்கையான முறையில் தயாரிக்கப்பட்ட சிலைகள் பயன்படுத்த ஊக்கப்படுத்த வேண்டும்.