டிஜிபி நியமன விவகாரம்: விதிகளை மாநிலங்கள் முறையாகப் பின்பற்றுவதில்லை

உயர்நீதிமன்றம் கருத்து

- 

மதுரை, ஆக. 4: டிஜிபி நியமன விவகாரத்தில் உச்சநீதிமன்றம் பிறப்பித்த உத்தரவு, மத்திய அரசுப் பணியாளர் தேர்வாணையத்தின் விதிகளை பல மாநிலங்கள் முறையாகப் பின்பற்றுவதில்லை என சென்னை உயர்நீதிமன்ற மதுரை அமர்வு திங்கள் கிழமை வேதனை தெரிவித்தது. ராமநாதபுரத்தைச் சேர்ந்த வழக்குரைஞர் யாசர் அராபத் தாக்கல் செய்த மனு:

தமிழக காவல் துறை தலைமை இயக்குநராக (டிஜிபி) சங்கர் ஜிவால் தற்போது பணியாற்றி வருகிறார். இவர் வருகிற 31-ஆம் தேதியன்று பணி ஓய்வு பெறவிருக்கிறார்.

இந்த நிலையில், தகுதி வாய்ந்த ஐபிஎஸ் அதிகாரிகளின் பட்டியலை மத்திய அரசுப் பணியாளர் தேர்வாணையத்துக்கு தமிழக அரசு இதுவரை அனுப்பவில்லை. தற்போதைய டிஜிபி சங்கர் ஜிவால் அதே பொறுப்பில் கால நீட்டிப்பு செய்யப்படலாம் அல்லது யாரேனும் பொறுப்பு டிஜிபியாக நியமிக்கப்படலாம் எனத் தகவல் வெளியானது.