அமர்நாத் யாத்திரையில் சாலை விபத்து: 36 பேர் காயம்

ஜம்மு-காஷ்மீரின் ராம்பன் மாவட்டத்தில் அமர்நாத் யாத்ரிகர்கள் பயணித்த 5 பேருந்துகள் விபத்துக்குள்ளானதில் 36 பேர் லேசான காயங்களுடன் உயிர் தப்பினர்.

- 

ஜம்மு, ஜூலை 5:

நிகழாண்டு அமர்நாத் யாத்திரை கடந்த வியாழக்கிழமை தொடங்கியது. இந்நிலையில், பஹல்காம் முகாம் நோக்கி ஜம்மு-காஷ்மீர் தேசிய நெடுஞ்சாலையில் ஒன்றன் பின் ஒன்றாகச் சென்று கொண்டிருந்த வாகனங்கள் சந்தர்கோட்டே பகுதி அருகே காலை 8 மணியளவில் விபத்தில் சிக்கின.

யாத்திரிகர்களின் வாகனமொன்றின் பிரேக் செயலிழந்த நிலையில், சாலையோரம் நிறுத்தியிருந்த பேருந்தில் மோதியது. அடுத்தடுத்து ஐந்து பேருந்துகள் மோதி விபத்துக்குள்ளானதில் 36 யாத்ரிகர்களுக்கு லேசான காயங்கள் ஏற்பட்டன.