கார்ல்செனை வீழ்த்தினார் குகேஷ்

குரோஷியாவில் நடைபெறும் சூப்பர் யுனைடெட் ரேப்பிட் செஸ் போட்டியின் 6-ஆவது சுற்றில், நடப்பு உலக சாம்பியனான இந்தியாவின் டி.குகேஷ், 5 முறை உலக சாம்பியனான நார்வேயின் மேக்னஸ் கார்ல்செனை வீழ்த்தினார்.

- 

ஜாக்ரெப், ஜூலை 4: இந்த வெற்றியின் மூலமாக, போட்டியில் அவர் தனி முன்னிலை பெற்றார்.

இந்திய நேரப்படி, வியாழக்கிழமை நள்ளிரவு நிறைவடைந்த 6-ஆவது சுற்றில் குகேஷ் கருப்பு நிற காய்களுடன் விளையாடி, கார்ல்செனை வீழ்த்தினார். அண்மையில், நார்வே செஸ் போட்டியின் மூலமாக கிளாசிக்கல் செஸ்ஸில் கார்ல்செனை முதல் முறையாக வீழ்த்திய குகேஷுக்கு, இது 2-ஆவது வெற்றியாகும். இந்தப் போட்டியின் முதல் சுற்றில் தோல்வி கண்ட குகேஷ், அடுத்த 5 சுற்றுகளிலும் தொடர்ந்து வெற்றியைப் பதிவு செய்திருக்கிறார்.