சபாலென்கா முன்னேற்றம்; மெத்வதெவ் தோல்வி

டென்னிஸ் காலண்டரின் 3-ஆவது கிராண்ட்ஸ்லாம் போட்டியான விம்பிள்டன், லண்டனில் திங்கள்கிழமை தொடங்கியது. முதல் சுற்றில், உலகின் நம்பர் 1 வீராங்கனையான அரினா சபலென்கா வெற்றி பெற, முன்னணி வீரர் டேனியல் மெத்வதெவ் அதிர்ச்சித் தோல்வி கண்டார்.

- 

லண்டன், ஜூன் 30:

மகளிர் ஒற்றையர் முதல் சுற்றில், பெலாரஸ் வீராங்கனை சபலென்கா 6-1, 7-5 என்ற செட்களில் கனடாவின் கார்சன் பிரான்ஸ்டைனை வெல்ல, போட்டித்தரவரிசையில் 14-ஆம் இடத்திலிருக்கும் உக்ரைனின் எலினா ஸ்விடோலினா 6-3, 6-1 என நேர் செட்களில் ஹங்கேரியின் அனா போந்தாரை வீழ்த்தினார்.

பிரெஞ்சு ஓபன் முன்னாள் சாம்பியனான, லாத்வியாவின் ஜெலினா ஆஸ்டபென்கோ 5-7, 6-2, 2-6 என்ற செட்களில், பிரிட்டன் வீராங்கனை சோனே கார்டெலால் சாய்க்கப்பட்டார். 30-ஆம் இடத்திலிருக்கும் செக் குடியரசின் லிண்டா நோஸ்கோவா 6-2, 6-4 என அமெரிக்காவின் பெர்னார்டா பெராவை வெளியேற்றினார்.