சென்செக்ஸ், நிஃப்டி லாபத்தில் முடிவு!

இந்த வாரத்தின் இறுதி வர்த்தக தினமான வெள்ளிக்கிழமையும் பங்குச்சந்தையில் 'காளை'யின் ஆதிக்கம் தொடர்ந்தது.

- நமது நிருபர்

நமது நிருபர் மும்பை/புது தில்லி, ஜூன் 27: இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் லாபத்துடன் முடிந்தன.

மத்திய கிழக்கில் புவிசார் அரசியல் பதற்றம் தணிந்ததால், பங்குச்சந்தையில் உற்சாகம் ஏற்பட்டுள்ளது. மேலும், சர்வதேச சந்தைகளில் நிலையான கச்சா எண்ணெய் விலை மற்றும் அமெரிக்க டாலருக்கு நிகரான ரூபாயின் மதிப்பு வலுப்பெறும் போக்கு ஆகியவை முதலீட்டாளர்களின் நம்பிக்கையை அதிகரித்துள்ளது. இதற்கிடையே, தொடர்ச்சியாக பங்குகளை விற்று வந்த அந்நிய நிறுவன முதலீட்டாளர்கள் பங்குகளை வாங்குபவர்களாக மாறி குறுகிய காலத்தில் சந்தை நிலைத்தன்மையை மேம்படுத்தியுள்ளன.