தேசிய கல்விக் கொள்கையை அனைவரும் ஏற்க வேண்டும்

தேசிய கல்விக் கொள்கையை அனைவரும் ஏற்க வேண்டும் என்று குடியரசு துணைத் தலைவர் ஜகதீப் தன்கர் பேசினார்.

- 

உதகை, ஏப்.25:

நீலகிரி மாவட்டம், உதகையில் உள்ள ராஜ்பவன் மாளிகையில் தமிழக பல்கலைக்கழகத் துணைவேந்தர்கள் பங்கேற்கும் இரண்டு நாள் மாநாடு வெள்ளிக்கிழமை (ஏப். 25) தொடங்கியது.

இதில் சிறப்பு விருந்தினராகப் பங்கேற்ற குடியரசு துணைத் தலைவர் ஜகதீப் தன்கர் பேசியதாவது: காஷ்மீரின் பஹல்காமில் நடைபெற்ற தாக்குதல், பயங்கரவாதம் உலகளாவிய அச்சுறுத்தல் என்பதையும் முழு மனித குலமும் ஒருங்கிணைந்து எதிர்கொள்ள வேண்டும் என்பதையும் நினைவூட்டுகிறது.

பாரதம் அமைதியை விரும்பும் நாடு. உலகமே ஒரு குடும்பம் (வசுதைவ குடும்பகம்) என்பதே நமது கலாசாரமாகும். தனிநபர், அரசியல், குழு நலன்களைவிட தேசத்தின் நலனுக்கே நாம் முன்னுரிமை அளிக்க வேண்டும்.