வீடு தேடி ரேஷன்: முன்மாதிரி திட்டம்

முதியோர், மாற்றுத்திறனாளிகளுக்கு வீடு தேடி ரேஷன் பொருள்கள் வழங்கும் 'முதல்வரின் தாயுமானவர்' திட்டம் இந்தியாவுக்கே முன்மாதிரி முயற்சியாகும் என்று, அந்தத் திட்டத்தைத் தொடங்கி வைத்து முதல்வர் மு.க.ஸ்டாலின் பெருமிதம் தெரிவித்தார்.

- 

சென்னை, ஆக. 12:

முதல்வரின் 'முதல்வரின் தாயுமானவர்' திட்டத்தை சென்னை தண்டையார்பேட்டை கோபால் நகர் மற்றும் அன்னை சத்யா நகரில் மாற்றுத்திறனாளிகள், வயது முதிர்ந்த பயனாளிகளின் வீடுகளுக்கு முதல்வர் ஸ்டாலின் செவ்வாய்க்கிழமை நேரில் சென்று தொடங்கி வைத்து பயனாளிகளுடன் உரையாடினார். அப்போது, இந்தத் திட்டம் தங்களுக்கு மிகுந்த பயனுள்ளதாக இருக்கும் என்று அவர்கள் கூறினர்.

சென்னையைத் தொடர்ந்து இந்தத் திட்டம், தமிழ்நாடு முழுவதும் தொடங்கி வைக்கப்பட்டது.