வடபாதிமங்கலத்தை தலைமையிடமாகக் கொண்டு புதிய ஊராட்சி ஒன்றியம் உருவாக்க வேண்டும்

வடபாதிமங்கலத்தை தலைமையிடமாகக் கொண்டு, புதிய ஊராட்சி ஒன்றியம் உருவாக்க வேண்டும் என தமிழக அரசுக்கு இந்திய கம்யூனிஸ்ட் கட்சி கோரிக்கை விடுத்துள்ளது.

- 

மன்னார்குடி, ஜூலை 12:

மன்னார்குடியில் இந்திய கம்யூனிஸ்ட் கட்சியின் 26-ஆவது ஒன்றிய மாநாடு சனிக்கிழமை நடைபெற்றது. கட்சியின் நிர்வாகக் குழு உறுப்பினர் எஸ். ஜீவானந்தம், மாதர் சங்க ஒன்றியச் செயலர் ஆர். வனிதாதேவி, இளைஞர் பெருமன்ற ஒன்றியச் செயலர் ஏ. பழனிவேல் ஆகியோர் தலைமை வகித்தனர்.

தீர்மானங்கள்: சவளக்காரன் அரசு மேல்நிலைப் பள்ளி மாணவர்களின் விளையாட்டு திறனை ஊக்கப்படுத்தும் வகையில் விளையாட்டு மைதானம் அமைக்க வேண்டும். மன்னார்குடி ஊராட்சி ஒன்றியத்தில் உள்ள கிராம ஊராட்சிகளை மன்னார்குடி மற்றும் கூத்தாநல்லூர் நகராட்சிகளுடன் இணைக்கும் முடிவை கைவிட வேண்டும்.