சர்வ மங்களம் அருளும் சக்தி பீடங்கள்

மேற்கொள்ளப்படும் சிறப்பு வழிபாடு, குழந்தைகளுக்கு ஞானத்தைத் தூண்டும் தீபம் எனக் குறிப்பிடப்படுகிறது.

- 

திருமீயச்சூர் லலிதாம்பிகா திருவாரூர் மாவட்டம், பேரளத்திலிருந்து 1.5 கி.மீ தொலைவில் உள்ள திருமீயச்சூர் மேகநாதசுவாமி திருக்கோயிலின் வடபுறத்தில் தென்திசை நோக்கியதாக உள்ளது லலிதாம்பிகை சந்நிதி. அகிலத்தில் உள்ள ஆலயங்கள் அனைத்திலும் ஓயாமல் ஒலித்துக் கொண்டிருக்கும் லலிதா சகஸ்ரநாமம் உருவான தலம் இது. வலது காலை மடக்கி, இடது காலை நீட்டியவாறு அமர்ந்த நிலையில் லலிதாம்பிகை காட்சியளிக்கிறார். இரு கால்களிலும் கொலுசு அணிந்து அருளும் அம்பாளின் அருள்காட்சி, வேறெங்கும் காண்பது அரிது.

சனீஸ்வரன், எமன், கருடன், அருணன், வாலி, சுக்ரீவன் ஆகியோரின் அவதார தலம் இது. நீண்ட ஆயுள் வேண்டி எமன் பூஜித்த இத்தலம், ஆயுள் விருத்தி தலமாகவும், திருணமத் தடை நீக்கும் தலமாகவும் குறிப்பிடப்படுகிறது. இத்தலத்தில் பூஜித்து அளிக்கப்படும் பிரண்டை சாதம், நோய் தீர்க்கும் அருமருந்து என்பது ஆன்மிக நம்பிக்கை. அனைத்து சக்தி பீடங்களுக்கும் முதன்மையான இத்தலம், சக்கர பீடமாகக் குறிப்பிடப்படுகிறது.