2 ஆண்டு சிறைத் தண்டனை எதிரொலி உ.பி. எம்எல்ஏ அப்பாஸ் அன்சாரி தகுதிநீக்கம்

உத்தர பிரதேசத்தில் வெறுப்பைத் தூண்டும் வகையில் பேசிய வழக்கில் 2 ஆண்டுகள் சிறைத் தண்டனை விதிக்கப்பட்ட எம்எல்ஏ அப்பாஸ் அன்சாரி, சட்டப்பேரவையில் இருந்து தகுதி நீக்கம் செய்யப்பட்டதாக அரசு வட்டாரங்கள் ஞாயிற்றுக்கிழமை தெரிவித்தன.

- 

லக்னௌ, ஜூன் 1:

நிழல் உலக தாதாவாக இருந்து அரசியல்வாதியாக மாறிய முக்தார் அன்சாரியின் மகனான அப்பாஸ் அன்சாரி, கடந்த 2022-இல் மெள சதார் தொகுதியில் சமாஜவாதி தலைமையிலான கூட்டணியின் கீழ் சுகல்தேவ் பாரதிய சமாஜ் கட்சி சார்பில் போட்டியிட்டு வென்றவர். இப்போது சுகல்தேவ் பாரதிய சமாஜ் கட்சி, பாஜக தலைமையிலான ஆளும் தேசிய ஜனநாயக கூட்டணியில் அங்கம் வகிக்கிறது. கட்சித் தலைவர் ஓம் பிரகாஷ் ராஜ்பர் மாநில அமைச்சராக உள்ளார்.

கடந்த 2022 பேரவைத் தேர்தலையொட்டி பொதுக்கூட்டத்தில் பேசிய அப்பாஸ் அன்சாரி, தேர்தலுக்குப் பிறகு மெள நகராட்சி நிர்வாகத்தை பழிதீர்த்து பாடம் கற்பிப்பேன் என்று கூறியது சர்ச்சையை ஏற்படுத்தியது.