உதகையில் 127-ஆவது மலர்க் கண்காட்சி

நீலகிரி மாவட்டம், உதகையில் 127-ஆவது மலர்க் கண்காட்சியை தமிழக முதல்வர் மு.க.ஸ்டாலின் வியாழக்கிழமை தொடங்கி வைத்தார்.

- 

உதகை, மே 15:

உதகை அரசு தாவரவியல் பூங்காவில் 127-ஆவது மலர்க் கண்காட்சி வியாழக்கிழமை (மே 15) தொடங்கியது. கண்காட்சியை முதல்வர் மு.க.ஸ்டாலின் தொடங்கி வைத்தார்.

மலர் சிம்மாசனத்தில் முதல்வர்: கண்காட்சியைத் திறந்து வைத்த முதல்வர் மு.க.ஸ்டாலின், தொட்டிகளில் வைக்கப்பட்டுள்ள மலர்கள், மலர்களால் ஆன அரண்மனை உள்ளிட்ட பல்வேறு வடிவமைப்புகளை பார்வையிட்டார். பின்னர், மலர் சிம்மாசனத்தில் தனியாகவும், தனது மனைவி துர்கா ஸ்டாலின், இளைய சகோதரர் மு.க.தமிழரசு மகள் பூங்குழலி ஆகியோருடனும் அமர்ந்து புகைப்படம் எடுத்துக் கொண்டார்.

இதைத் தொடர்ந்து தாவரவியல் பூங்காவில் அமைக்கப்பட்டுள்ள ஒவ்வொரு கண்காட்சி அரங்கையும் பார்வையிட்ட முதல்வர், பின்னர் பூங்கா அரங்கில் நடைபெற்ற நீலகிரி மலைவாழ் மக்கள், திபெத்தியர்களின் பாரம்பரிய நடன நிகழ்ச்சியைக் கண்டு ரசித்தார்.