மே 13-இல் அந்தமானில் தொடங்கும் தென்மேற்கு பருவமழை

நிகழாண்டில் தென்மேற்கு பருவமழை அந்தமானில் மே 13-ஆம் தேதி தொடங்கவுள்ளதாக வானிலை ஆய்வு மையம் தெரிவித்துள்ளது.

- 

சென்னை, மே 6: இந்த பருவமழை மே இறுதி அல்லது ஜூன் முதல் வாரத்தில் கேரளத்தில் பெய்யத் தொடங்கும் என்று எதிர்பார்க்கப்படுகிறது.

இந்தியாவில் ஆண்டுதோறும் ஜூன் முதல் செப்டம்பர் மாதம் வரை தென்மேற்கு பருவமழை காலமாகும். நிகழாண்டில் தென்மேற்கு பருவமழை இந்தியாவில் இயல்பைவிட 100 முதல் 105 சதவீதம் வரை அதிகமாக பெய்ய வாய்ப்புள்ளதாகவும், இது தமிழகம், கேரளம், கர்நாடகம் உள்ளிட்ட மாநிலங்களில் இயல்பைவிட குறைவாகவே பெய்யும் என்றும் இந்திய வானிலை ஆய்வு மையம் அண்மையில் தெரிவித்திருந்தது.