நல்ல பலன் தரும் ராகு

வர்களும் அசுரர்களும் பாற்கடலைக் கடைந்தபோது அமுதம் பெற போட்டி ஏற்படவே, திருமால் மோகினி அவதாரத்தில் அசுரர்களை வசியப்படுத்தினார். அமுதத்தின் பெரும்பகுதி தேவர்களை அடைந்தது. ராஜவம்ச மன்னனுக்கும், அசுரர் குலப் பெண்ணுக்கும் மகனாகப் பிறந்த 'ஸ்வர்பானு' என்ற அசுரன் தேவஉருவில் சென்று அமுதத்தை வாங்கி, உண்டார். இதை சூரிய, சந்திரர்கள் திருமாலிடம் சொல்ல, தன் கையிலிருந்த அகப்பையால் ஸ்வர்பானுவின் தலையில் ஒங்கி அடித்தார். இதனால், தலை முதல் மார்பு வரை தனியாகவும், உடல் தனியாக வேறு இடத்திலும் விழுந்தது. அமுதம் உண்டதால், இரு பகுதிகளும் உயிர்த்திருந்தன. ராகுவும் தவறுக்கு வருந்த இறைவன் பாம்பின் உடலை அவனுக்குக் கொடுத்து அவனை நிழல் கிரகமாக்கினார்.

- இரா.ரகுநாதன்

நாகங்களின் தலைவன் ஆதிசேஷன் சிவனை வேண்டி, தீர்த்தம் ஏற்படுத்தி கரையில் அமர்ந்து கடும் தவம் செய்ய மகிழ்ந்த சிவனும் காட்சியளித்தார். ஆதிசேஷனுக்கு அருளிய லிங்கரூப மூலவர் 'நாகநாதசுவாமி' எனவும், தீர்த்தம் 'நாகதீர்த்தம்' என்றும் ஆனது. நாகநாதர் தனது அருளால் ராகுவின் நோய்களுக்கு ஒளஷதம் வழங்கியதால் பிணியும் தீர்ந்து தன் இரு மனைவிகள் நாகவல்லி, நாககன்னியுடன் அங்கேயே இருந்து தொழும் வரம் வேண்டும் என கேட்க அருளினார். ஆதிசேஷன், தட்சன், கார்கோடகன் ஆகிய தெய்வீக பாம்பினங்கள் லிங்க வடிவாக அமைந்திருந்த சிவனை வழிபட்ட இடம் என்பதால் 'திருநாகேஸ்வரம்' என்று அழைக்கப்படுகிறது.