பண மோசடி வழக்கு விசாரணையை ஒத்திவைக்க வேண்டும்

தில்லி உயர்நீதிமன்றத்தில் கார்த்தி சிதம்பரம் மனு

- 

புது தில்லி, ஏப்.7: சீன நிறுவன ஊழியர்களுக்கு சர்ச்சைக்குரிய வகையில் நுழைவு இசைவு (விசா) பெற்றுத்தந்த விவகாரம் மற்றும் ஏர்செல்-மேக்சிஸ் நிறுவன முறைகேடு ஆகிய வழக்குகளில் நீதிமன்றத்தில் குற்றச்சாட்டைப் பதிவு செய்யும் விசாரணையை ஒத்திவைக்கக் கோரி தில்லி உயர் நீதிமன்றத்தில் காங்கிரஸ் எம்.பி.யும், முன்னாள் மத்திய நிதியமைச்சர் ப.சிதம்பரத்தின் மகனுமான கார்த்தி சிதம்பரம் மனு தாக்கல் செய்துள்ளார்.

கடந்த 2006-ஆம் ஆண்டு மத்திய நிதியமைச்சராக ப.சிதம்பரம் இருந்தபோது ஏர்செல் நிறுவனத்தில் மலோசியாவின் மேக்ஸிஸ் நிறுவனம் ரூ.3,500 கோடி முதலீடு செய்ய அந்நிய முதலீட்டு மேம்பாட்டு வாரியத்தின் அனுமதி கோரியது. இதில் ப.சிதம்பரம் விதிகளுக்குப் புறம்பாக அனுமதி வழங்கியதாகவும் இதன் மூலம் அவரது மகன் கார்த்தி சிதம்பரத்தின் நிறுவனம் பலன் அடைந்ததாகவும் புகார் எழுந்தது.