வக்ஃப் சட்டத்துக்கு எதிராக நாடு தழுவிய போராட்டம்

அகில இந்திய முஸ்லிம் தனிநபர் சட்ட வாரியம்

- 

புது தில்லி, ஏப். 6: வக்ஃப் திருத்தச் சட்டத்தை முழுமையாகத் திரும்பப் பெறும் வரையில் அனைத்து மத, சமூக அமைப்புகளுடன் இணைந்து நாடு தழுவிய போராட்டத்தை நடத்துவோம் என்று அகில இந்திய முஸ்லிம் தனிநபர் சட்ட வாரியம் (ஏஐஎம்பிஎல்பி) தெரிவித்தது.

நாடாளுமன்றத்தில் வக்ஃப் சட்டத்திருத்த மசோதாவுக்கு ஆதரவளித்த தேசிய ஜனநாயகக் கூட்டணி கட்சிகளான ஐக்கிய ஜனதா தளம், தெலுங்கு தேசம், லோக் ஜனசக்தி (ராம்விலாஸ்) ஆகிய கட்சிகளின் மதச்சார்பின்மை முகத்திரை முழுமையாக அம்பலப்பட்டுள்ளதாகவும் விமர்சிக்கப்பட்டுள்ளது.