போதை மறுவாழ்வு மையங்களுக்கு கட்டுப்பாடு அரசிதழில் புதிய விதிகள் வெளியீடு

போதைப் பழக்கத்துக்கு அடிமையானவர்களுக்கு மனநல மருத்துவரின் கண்காணிப்பின் கீழ் தீவிர ஆழ்நிலை சிகிச்சையை வழங்கிய பிறகே மறுவாழ்வு மையங்களில் அனுமதிக்க வேண்டும் என்று தமிழக அரசு அறிவுறுத்தியுள்ளது.

- 

சென்னை, மார்ச் 31:

போதை மறுவாழ்வு மையங்களுக்கான குறைந்தபட்ச தரநிலை வழிகாட்டுதல்கள் அரசிதழில் வெளியிடப்பட்டுள்ளன.

அதில் குறிப்பிடப்பட்டிருப்பதாவது: அதீத மது மற்றும் போதைப் பொருள் பழக்கத்துக்குள்ளானவர்களை அதிலிருந்து மீட்க பாதிப்பின் அடிப்படையில் அவர்களை வகைப்படுத்தி சிகிச்சையளிக்க வேண்டும்.

முதலில், அவர்களுக்கு உடலில் உள்ள நச்சுத்தன்மை மற்றும் போதைப் பழக்கத்தை கைவிடுவதால் ஏற்படும் உடனடி மனநல பாதிப்புகளுக்கு சிகிச்சையளிக்க வேண்டும்.