காங்கிரஸ் ஆட்சியில் வரிச் சுமையால் பாதித்த மக்களுக்கு தற்போது நிவாரணம்: பாஜக

காங்கிரஸ் கூட்டணி ஆட்சியில் கடுமையான வரிச் சுமையால் பாதிக்கப்பட்டிருந்த மக்களுக்கு தற்போது நிவாரணம் அளிக்கும் வகையில், அடுத்த தலைமுறை சரக்கு, சேவை வரி (ஜிஎஸ்டி 2.0) சீர்திருத்தங்கள் மேற்கொள்ளப்பட்டுள்ளதாக மத்திய ரயில்வே துறை அமைச்சர் அஸ்வினி வைஷ்ணவ் சனிக்கிழமை தெரிவித்தார்.

- 

புது தில்லி, செப்.6:

இதுகுறித்து தில்லியில் உள்ள பாஜக தலைமையகத்தில் செய்தியாளர்களுக்கு அவர் அளித்த பேட்டியில் மேலும் கூறியிருப்பதாவது: நவராத்திரியின் முதல் நாளில் (செப்.22) நாட்டில் உள்ள 140 கோடி மக்களுக்கும் மகிழ்ச்சியளிக்கக்கூடிய சீர்திருத்தங்கள் அமலாக உள்ளன.

ஜிஎஸ்டி 2.0 பொருளாதார மேம்பாட்டின் உந்துசக்தியாக இருக்கவுள்ளது. முந்தைய காங்கிரஸ் கூட்டணி ஆட்சியில் ஒரே பொருள் மீது பல்வேறு வகையான வரிகள் விதிக்கப்பட்டன. இதனால் மக்களுக்கு பெரும் வரிச் சுமை ஏற்பட்டது. இதிலிருந்து மக்களை மீட்கும் நோக்கில் தற்போதைய பாஜக அரசு ஜிஎஸ்டி 2.0-இன்கீழ் சீர்திருத்தங்களை மேற்கொண்டுள்ளது.