சாலை விரிவாக்கப் பணிகள்: அதிகாரிகளுக்கு அமைச்சர் எ.வ.வேலு உத்தரவு

சாலை விரிவாக்கத்துக்கு இடையூறாக இருக்கக்கூடிய நிலம் கையகப்படுத்தப்படும் பணிகளை விரைவாக மேற்கொள்ள வேண்டும் என்று அதிகாரிகளுக்கு அமைச்சர் எ.வ.வேலு உத்தரவிட்டார்.

- 

ஆரணி, ஜூலை 16:

திருவண்ணாமலையைச் சுற்றிலும் அமைக்கப்படும் புறவழிச்சாலைக்காக நெடுஞ்சாலைத் துறை மூலம் மேற்கொள்ளப்பட்டு வரும் நிலம் கையகப்படுத்தும் பணிகளின் முன்னேற்றம் குறித்து ஆய்வுக் கூட்டம் ஆட்சியர் அலுவலகத்தில் புதன்கிழமை நடைபெற்றது.

இதில், திருவண்ணாமலை மாவட்ட எல்லைக்கு உள்பட்ட பகுதிகளில் நடைபெற்று வரும் வேட்டவலம் புறவழிச்சாலை, திருவண்ணாமலை புறவழிச்சாலை, திண்டிவனம்-கிருஷ்ணகிரி சாலை விரிவாக்கம் ஆகிய தேசிய நெடுஞ்சாலை பணிகள் குறித்தும், திருவண்ணாமலை மாநகரில் அமைய உள்ள புதிய பேருந்து நிலைய இணைப்புச் சாலை விரிவாக்கப் பணிகள் உள்பட பல்வேறு சாலை விரிவாக்கப் பணிகள் தொடர்பாகவும் துறை சார்ந்த அலுவலர்கள் ஆய்வு மேற்கொண்டனர்.