மேற்கு வங்க வாக்காளர் பட்டியலில் வங்கதேச போராட்டக்காரரின் பெயர்

புதிய அரசியல் சர்ச்சை

- 

கொல்கத்தா, ஜூன் 9: மேற்கு வங்க மாநில வாக்காளர் பட்டியலில் வங்கதேச போராட்டக்காரரின் பெயர் இடம்பெற்றிருப்பது மாநிலத்தில் புதிய அரசியல் சர்ச்சையை ஏற்படுத்தியுள்ளது.

மாநிலத்தில் சட்டவிரோத ஊடுருவலை அனுமதிப்பதாகவும், மாநில வாக்காளர் பட்டியலில் முறைகேடு நிகழ்ந்துள்ளதாகவும் ஆளும் திரிணமூல் காங்கிரஸ் மீது மாநில எதிர்க்கட்சியான பாஜக குற்றஞ்சாட்டியது.

வங்கதேசத்தில் கடந்த ஆண்டு ஆகஸ்ட் மாதம் மிகப் பெரிய அளவில் மாணவர் போராட்டம் நடந்தது. இடஒதுக்கீட்டுக்கு எதிரான இந்தப் போராட்டம், வன்முறையாக வெடித்தது. மாணவர்களின் இந்தப் போராட்டம் அண்டை நாட்டில் ஆட்சி மாற்றத்தை ஏற்படுத்தியதோடு, அங்கு பிரதமராக இருந்த ஷேக் ஹசீனா பதவியை ராஜிநாமா செய்துவிட்டு, இந்தியாவில் தஞ்சமடையும் நிலை உருவானது.