இந்தியாவின் வெளியுறவுக் கொள்கை சீர்குலைந்துவிட்டது

ராகுல் காந்தி குற்றச்சாட்டு

- 

புதுதில்லி, மே 23: இந்தியாவின் வெளியுறவுக் கொள்கை சீர்குலைந்துவிட்டதாக மக்களவை எதிர்க்கட்சித் தலைவர் ராகுல் காந்தி குற்றம் சாட்டியுள்ளார்.

பஹல்காம் பயங்கரவாதத் தாக்குதல் குறித்தும் அதைத் தொடர்ந்து இந்தியா-பாகிஸ்தான் இடையே ஏற்பட்ட பதற்றம் குறித்தும் எழுப்பப்பட்ட கேள்விகளுக்கு வெளியுறவு அமைச்சர் எஸ்.ஜெய்சங்கர் பதில் அளிக்கும் காட்சி அடங்கிய விடியோவுடன் இணைத்து காங்கிரஸ் கட்சி சமூக ஊடகத்தில் பதிவு ஒன்றை வெளியிட்டது. அந்தப் பதிவுடன் அக்கட்சியின் முன்னாள் தலைவரும் மக்களவை எதிர்க்கட்சித் தலைவருமான ராகுல் காந்தி வெள்ளிக்கிழமை பதிவு ஒன்றை வெளியிட்டிருந்தார். அதில் அவர் கூறியிருப்பதாவது:

பாகிஸ்தானைக் கண்டிப்பதில் ஒரு நாடுகூட நம்மை ஆதரிக்காதது குறித்து வெளியுறவு அமைச்சர் எஸ்.ஜெய்சங்கர் விளக்கம் அளிப்பாரா? இந்தியா-பாகிஸ்தான் இடையே மத்தியஸ்தம் செய்யுமாறு அமெரிக்க அதிபர் டிரம்ப்பை கேட்டுக் கொண்டது யார்? இந்தியாவின் வெளியுறவுக் கொள்கை சீர்குலைந்து விட்டது என்று ராகுல் தனது பதிவில் தெரிவித்துள்ளார்.