உள்நாட்டு உற்பத்தியை மேம்படுத்த தீவிர முயற்சி

உள்நாட்டு உற்பத்தியை மேம்படுத்த பெரும் முயற்சிகளை எடுத்து வருவதாக முதல்வர் மு.க.ஸ்டாலின் கூறினார்.

- 

சென்னை, மார்ச் 10:

செங்கல்பட்டு மாவட்டத்தில் ரூ.515 கோடி முதலீட்டில், 1,000 பேருக்கு வேலைவாய்ப்பு அளிக்கும் வகையில், கோத்ரெஜ் நிறுவனத்தின் உற்பத்தி ஆலையை முதல்வர் மு.க.ஸ்டாலின் திங்கள்கிழமை திறந்துவைத்துப் பேசியது:

செங்கல்பட்டு மாவட்டத்தில் நிறுவனத்தைத் தொடங்குவதற்கான புரிந்துணர்வு ஒப்பந்தம் கோத்ரெஜ் நிறுவனத்துடன் 2023-ஆம் ஆண்டு மேற்கொள்ளப்பட்டது. ஐந்தே மாதங்களில் அதற்கான அடிக்கல் நாட்டப்பட்டது. ஓராண்டில் இப்போது உற்பத்தி ஆலையைத் தொடங்கி வைத்திருப்பது பெருமை அளிக்கிறது.

புரிந்துணர்வு ஒப்பந்தம் போடப்பட்டு ஒரு திட்டம் செயலாக்கம் பெறுவது வரைக்கும் திராவிட மாடல் அரசு, எப்படி கவனமாகவும் பொறுப்போடும் செயல்படுகிறது என்பதற்கு இந்த நிறுவனமே சிறந்த எடுத்துக்காட்டாகும்.